19 қаңтар күні «Астраханка ОМ» КММ-де жоғарғы сыныптар үшін «Жеткіншектің жеті жарғысы» жобасы аясында «Профи-Time» в мире профессии» атты кәсіби бағдар беру жұмысы бойынша іс-шара өткізілді. Оның барысында жоғарғы буын оқушыларына әлемде мыңдаған мамандық арасынан өзіңе лайықты мамандықты таңдап алу өте қиын екені айтылды. Себебі, таңдалатын мамандық адамның икемділігіне, мінез-құлқына, тағы басқа мүмкіндіктеріне сай болғаны дұрыс. Осы себептен мамандықты дұрыс таңдау формуласы туралы балаларға арнайы бейнеролик көрсетілді. Олар қызығушылық таныта отырып, көріп тыңдады
Қорытындылай келе, оқушылар, өздеріне және айналасындағыларға қуаныш пен қанағат әкелу үшін өздеріне ұнайтын мамандықты таңдау өте маңызды, сонымен қатар кез-келген мамандық таңдағанда олардың бәрі маңызды және қажет екенін білу керек деген қорытындыға келді.
