5–11 сынып оқушыларымен профилактикалық кездесу КММ «Астрахан орта мектебі»
Құқықтық тәрбие беру аясында КММ «Астрахан орта мектебінде» 5–11 сынып оқушылары арасында полиция майоры Мұқжанов А.А. қатысуымен профилактикалық әңгіме өткізілді.
Іс-шараның басты тақырыбы – «Кәмелетке толмағандар арасындағы құқықбұзушылықтың алдын алу» болды.
Кездесу барысында келесі маңызды және өзекті мәселелер қарастырылды:
Буллинг ұғымы, оның түрлері мен салдары;
Жасөспірімдер арасындағы нашақорлық пен темекі шегудің зияны, денсаулыққа және болашаққа әсері;
Қоғамдық тәртіпті сақтау, мәдениетті және жауапты мінез-құлықтың маңыздылығы;
Әкімшілік және қылмыстық жауапкершілік туралы:
– қай жастан басталады,
– қандай әрекеттер үшін,
– қандай жаза түрлері қарастырылған.
Кездесу ашық диалог форматында өтті. Оқушылар өздерін қызықтырған сұрақтарын қойып, нақты әрі түсінікті жауаптар алды.
Мұндай іс-шаралар оқушылардың құқықтық сауаттылығын арттырып, өз әрекеттеріне саналы түрде қарауға, жауапкершілікті сезінуге көмектеседі.
