Балалардың өмір қауіпсіздігін қамтамасыз ету аясында жазғы кезеңдегі мінез-құлық ережелеріне арналған танымдық сабақтар өткізілді. Бұл іс-шаралардың мақсаты – балаларды белсенді демалыс орындарында және су айдындарында қауіпсіз мінез-құлық негіздерімен таныстыру, сақтық пен өзін-өзі қорғау дағдыларын қалыптастыру.
1. Батуттағы мінез-құлық ережелері
Балаларға секіру кезінде тәртіп сақтау және бір-бірін итермеу неге маңызды екені түсіндірілді. Екі адаммен секіруге, сальто жасауға, қалтасында өткір заттары бар немесе аяқ киіммен батутқа шығуға болмайтыны айтылды. Балалармен бірге батутқа дұрыс шығу және түсу жолдары талқыланды. Танымдық мультфильм арқылы материал ойын түрінде бекітілді.
2. Аквапарктағы қауіпсіздік ережелері
Сабақ барысында балалар аквапаркта қалай қауіпсіз жүру керектігін үйренді:
— тайғақ плиткаларда жүгірмеу,
— ересектердің айтқанын тыңдау,
— сырғанақта кезек сақтау,
— жас ерекшелігіне сай құтқару кеудешесін кию.
Мұғалім терең суға жүзудің қауіптілігін және бассейн маңында абай болу керектігін түсіндірді.
3. Судағы мінез-құлықтың негізгі ережелері
Балалармен бірге өзенде, көлде немесе бассейнде не істеуге болатыны және болмайтыны талқыланды:
— тек ересектердің қарауымен шомылу,
— суға рұқсатсыз кірмеу,
— «батып бара жатырмын» деген ойын ойнамау және қатты шашырамау,
— бейтаныс жерлерге сүңгімеу.
Педагог көрнекі суреттер мен ойындық жағдаяттарды пайдаланып, материалды балаларға түсінікті түрде бекітті.
