Kozybayev University бүгін өзгерістерден қорықпайтын және сапалы біліммен байланысты көп жылдық тарихы бар университет. Ол еліміздің жоғары оқу орындарының тізімінде беделді орын алады” – Саясат Нұрбек, ҚР Ғылым және жоғары білім министрі.
2024 жылғы 18 қараша күні Kozybayev University өкілдері кәсіптік бағдар беру мақсатында Аққайың ауданына келді. Кездесу аудандық Мәдениет үйінің залында өтті. Бұл жерге ауданның барлық мектептерінің болашақ түлектері жиналды. Мәдениет Үйінің фойесінде СҚУ туралы ақпараттық стендтер қойылып, үстелдерге университет туралы кітапшалар жайылып қойылған.
Оқушыларға университет жайлы көптеген мәлімет берілді Кездесу басында балалар онлайн сауалнамаға жауап берді және осы университетке түсемін деушілерден қысқаша ақпарат алынды. СҚУ студенттерінің өмірі жайында, университет жайында бейнероликтен көріп отырдық. Сондай — ақ, болашақ түлектердің алдында СКУ студенті, жерлесіміз, тарих, экономика және құқық факультетінің студенті Сүлейменов Данияр сөз сөйлеп, жиналған оқушыларға унивеситетте білім алудың маңыздылығы туралы және осы оқу орны туралы қызықты, қажетті ақпараттар берді. Соңында Kozybayev University студенттерінің дайындаған концерттік бағдарламасын тамашаладық. Балалар барлық естіп көргендерінен жақсы әсер алды.
